مرحبا
أنا رانيا بدر
مهندسة و مدربة و متحدثة في التوازن و ذكاء القلب بساعد الأرواح المستعدة لتعيد التوازن لحياتها و ترجع تتواصل مع قلبها من جديد من خلال التدريبات الوجاهية و الأونلاين
طموحة و بتحبي الانجاز و النجاح بس بنفس الوقت بتحبي الحياة و بتحبي تعيشها بشكل كامل ؟ و مو عارفة تلاقي حالك في مجتمع بدعم الانجاز و الدفع المستمر للأهداف؟ انت مو لحالك! احنا عايشين في مجتمع أعطى قيمة كبيرة لكتير من الأشياء اللي فكرنا إنه احنا بحاجتها و انو ما راح نكون سعيدين بدونها من قبل حتى نفكر بشو احنا فعلا فعلا بنحب. انضمي معي برحلة الرجوع للقلب لحتى تقدري توافقي بين النجاح و السعادة. بيوم من الأيام أنا كنت رابطة قيمتي بالانجاز و ما كنت قادرة اشوف قيمتي بدونه، لحد ما نجحت و أخدت جائزة كبيرة و بوقتها تفاجئت جدا من ردة فعلي و سعادتي المؤقتة جدا اللي خلفها هاد الانجاز اللي كتير بحبه و بعتبره عزيز على قلبي و جزء مني لكنه كان نقطة تحول بالنسبة الي و نقطة بداية البحث عن شيء أعمق بحقق السعادة في الحياة.